 Cllr Barry Thomas, Simon Baynes, Maggie Baynes, Russell George AM.
Agorwyd gardd Neuadd Bodfach, Llanfyllin ddydd Llun 30ain Mai a chodwyd £2,512 ar gyfer elusennau lleol, a oedd yn ganlyniad gwych.
Codwyd £1,812 o werthu prydau te ac o'r ffioedd mynediad, a gwnaed rhodd o hwn i Ysgol Pennant, Côr Meibion Penybontfawr, Wyrcws Llanfyllin ac Apêl Neuadd Goffa Llangynog.
Gwnaeth stondinau elusennau eu hunain £700 pellach ar gyfer eu hachosion eu hunain yn y digwyddiad, sef: NSPCC Llanfyllin, Clwb Bowlio Llangynog, Ysgol Uwchradd Llanfyllin, Wyrcws Llanfyllin, Neuadd Goffa Llangynog, Bookfest Amwythig a Thŷ Gobaith.
Ymhlith yr atyniadau oedd y casgliad syfrdanol o lwyni rhododendron yn eu blodau, cerddoriaeth gan Gôr Meibion Penybontfawr a phobl ifanc o Gerddoriaeth Ieuenctid Gogledd Powys, castell sboncio a thrampolîn ar gyfer y plant, stondin planhigion a stondinau eraill, arddangosfa ffotograffau gan Geoff Wilkinson, Ffair Lyfrau Bodfach a phrydau te cartref blasus.
Meddai Simon a Maggie Baynes:
"Roedden ni'n poeni braidd yn y bore gan fod y tywydd yn ofnadwy â glaw trwm. Ond yna fe wellodd pethau am 1.30pm, hanner awr cyn agor yr ardd. Erbyn canol y prynhawn, roedd yr awyr yn las a daeth mwy na 400 o bobl i'r digwyddiad.
Rydyn ni'n ddiolchgar iawn i'r Cynghorydd Barry Thomas, Cadeirydd Cyngor Sir Powys, a'n Haelod Cynulliad newydd Russell George am agor y digwyddiad.
Diolch yn fawr i bawb a helpodd, yn enwedig tîm cartref Bodfach – Wendy, Clare, Alan, Mike, Geoff a Mike Mawr - a Chyfeillion Ysgol Penybontfawr. Rydyn ni wrth ein bodd â'r cyfanswm o £2,512 a godwyd ar gyfer elusennau lleol."
|
